Skilanglauf & Mountainbike Schule in Kreuth am Tegernsee
     

Mia san offizieller Partnerbetrieb im Bergsteigerdorf Kreuth

 

 

S'Herz und s'Gspür am rechtn Fleck


Ned olle von uns ham des Glück g'habt, scho ois kloans Kind in de Berg
hom sei derfa. Wos hod ma ned ois gem für a Gipfebrotzeit in herrgottsfriah oda a
Erkundung barfuass von am wuidn Bochlauf. 

Koa Spuizeig der Welt war intressanta ois da Woid, de Stoana, des Wassa
oda de Viecha.

Des hod uns gformt und glücklich gmacht. Drum gemma mia ois dafür, 

dass ma uns no ganz lang de scheene wertvoie Region erhoidn und drin
lebm und bewegn derfa. Heid z'Fuaß, moign mit'm Bergradl oda a mit'm Stromradl. 

Im Winta am liabstn mit de Langlaufski.

Imma respektvoi, tolerant und achtsam.
Dann san ma do, wo ma hiwoin, gemeinsam ham ma olle a Freid, wenn ma aufeinanda schaugn. 


Du bist do ah ganz  bsonders herzlich willkomma.
Nimm  Dir a bissl Zeit für Di und schau , dass  Dir guad geht. 


Wos san de Werte , de wirklich zäin? 

Des is wos, des ko ma si ned kaffa, des erlebt ma und erhoid si's im Herzn.

Mia san stoiz, Partnerbetrieb zum sei 

Eire Andrea mit dem ganzen liabn Team